ᓄᓇᖃᖅᑳᖅᓯᒪᔪᓄᑦ ᐱᓕᕆᐊᖑᔪᒥ ᕿᒥᕐᕈᔭᐅᓂᖅ ᐊᑐᓕᖅᑎᑦᑎᓂᖅ

ᐃᓱᒪᒋᔭᐅᓂᐅᔪᑦ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ, ᓄᓇᓕᖕᓄᑦ, ᓇᖕᒥᓂᕆᔭᐅᔪᓄᑦ ᐊᒻᒪ ᑲᑐᔾᔨᖃᑎᒌᖑᔪᓄᑦ ᐋᖅᑭᒃᓱᐃᓚᐅᖅᐳᑦ ᓄᓇᖃᖅᑳᖅᓯᒪᔪᓄᑦ ᐱᓕᕆᐊᖑᔪᒥ ᕿᒥᕐᕈᓂᕐᒥ ᐊᑐᓕᖁᔭᐅᔪᓄᑦ ᖃᓄᖅ ᐱᓕᕆᕝᕕᒃ ᐱᐅᓯᒋᐊᖅᑎᑦᑎᔭᕆᐊᖃᕐᓂᖓᓂ ᐱᓕᕆᐊᖏᓐᓂ ᐊᒻᒪ ᓱᒃᑲᒃᑎᑦᑎᒋᐊᕐᓗᑎᒃ ᐱᓕᕆᑦᑎᐊᕈᓐᓇᕐᓂᕐᒧᑦ ᐊᑐᕐᓗᑎᒃ ᐱᖓᓱᓂᑦ ᑐᕌᒐᕆᔭᐅᔪᓂᑦ:

1. ᐱᓕᕆᓂᕐᒥ ᐊᔪᕐᓇᖏᑦᑐᓂᒃ ᒪᓕᒐᒃᓴᓂᒃ ᑎᑎᖅᑭᕆᓂᖅ ᐱᓕᕆᐊᖑᔪᓄᑦ ᐱᓕᕆᑦᑎᐊᕐᓂᖅᓴᐅᖁᓪᓗᒋᑦ
2. ᐊᐅᓚᔾᔭᒃᑎᑦᑎᓂᖅ ᐃᓕᖅᑯᓯᐅᔪᒥᒃ ᐊᓯᔾᔨᖅᓯᓂᕐᒥ ᑕᒪᒃᑭᓕᒫᓄᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᐊᕕᒃᑐᖅᓯᒪᓂᐅᔪᓂ ᐊᒻᒪᓗ ᓴᓇᕝᕕᓕᒫᖏᓐᓂ ᑐᕌᖅᑎᑦᑎᓗᑎᒃ ᐱᓕᕆᐊᒧᑦ ᓄᑖᙳᕆᐊᖅᑎᑦᑎᓂᐅᔪᒥ ᐅᕘᓇ ᕿᙳᑎᖓᒍᑦ ᓱᓕᔪᒥᒃ ᐊᒻᒪᓗ ᐃᓱᒪᒋᔪᓐᓇᐃᖅᓯᓂᕐᒥ – ᐊᒻᒪᓗ ᐊᑯᓂᐅᔪᒃᑯᑦ ᑐᕌᒐᒃᓴᐅᔪᓂ ᓇᓕᒧᒌᖃᑦᑕᐅᑎᔪᓂ ᐱᓕᕆᖃᑎᒌᖕᓂᐅᔪᒥ ᑲᓇᑕᒥ ᒐᕙᒪᒃᑯᓐᓄᑦ ᐊᒻᒪᓗ ᓄᓇᖃᖅᑳᖅᓯᒪᔪᓄᑦ ᓄᓇᓕᖕᓂᑦ
3. ᐃᓱᒪᒋᔪᓐᓇᐃᖅᓯᓂᖅ ᐊᑐᖅᑕᐅᔪᓐᓇᖅᑐᓂᒃ ᐊᐅᓚᑦᑎᓂᕐᒥ ᐃᓕᓴᖅᓯᓂᒃᑯᑦ ᐊᐅᓚᑦᑎᖃᑎᒌᖕᓂ ᐱᔪᓐᓇᕐᓂᖃᕐᓂᐅᔪᓄᑦ ᓄᓇᖃᖅᑳᖅᓯᒪᔪᓄᑦ ᐃᓄᖕᓂ ᐊᒻᒪᓗ ᐱᔪᓐᓇᕐᓂᖃᕐᓂᖏᓐᓂᑦ ᒪᓕᒐᖅᑎᒍᑦ ᐊᒻᒪᓗ ᐱᔪᓐᓇᕐᓂᐅᔪᑦ ᓄᓇᕗᒻᒥ ᐊᑐᖅᑕᐅᔪᓐᓇᖅᑐᓄᑦ

ᑐᙵᖓᕕᒃ ᖃᐅᔨᓴᐃᓂᐊᖅᐳᑦ ᐱᓕᕆᕝᕕᐅᑉ ᐃᖏᕐᕋᓂᖓᓂ ᑭᐅᓂᕐᒧᑦ ᐅᑯᓄᖓ ᐊᑐᓕᖁᔭᐅᔪᓄᑦ.

ᐱᓕᕆᖃᑎᖃᐃᓐᓇᕐᓂᐊᖅᐳᒍᑦ ᐱᓕᕆᖃᑕᐅᓗᑕ ᐊᑐᓕᖅᑎᑦᑎᓂᕐᒥ ᐃᓚᖏᓐᓂ ᓄᓇᖃᖅᑳᖅᓯᒪᔪᓄᑦ ᐱᓕᕆᐊᖑᔪᒥ ᕿᒥᕐᕈᓂᕐᒥ ᐊᑐᓕᖁᔭᐅᔪᓄᑦ ᐊᒻᒪᓗ ᓴᖅᑭᑎᑕᐅᓂᖓᓂ ᐅᑭᐅᕐᑕᖅᑐᕐᒥᑦ ᑲᑎᓯᒪᐅᕐᑐᑦ ᑮᓇᐅᔭᓕᐅᕐᓂᒃᑯᑦ ᐃᒪᕐᒥᐅᑕᓕᕆᓂᕐᒧᑦ ᐱᓕᕆᐊᖑᔪᒪᔪᒥᑦ. ᓲᕐᓗ:

• ᐳᕆᑎᔅ ᑲᓚᒻᐱᐊᒥ ᐃᖃᓗᒃᐱᖕᓄᑦ ᐃᖃᓗᖕᓂᒃ ᐅᑎᖅᑎᑦᑎᓂᖅ ᐊᒻᒪᓗ ᐊᔾᔨᒋᙱᑕᖏᓐᓂᒃ ᑮᓇᐅᔭᖃᖅᑎᑕᐅᓂᕐᒥ ᐱᓕᕆᔭᒃᓴ ᐃᑲᔪᕐᓂᐊᖅᐳᖅ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᐊᖏᓛᖓᓂ ᐱᓕᕆᕝᕕᐅᔪᓂ ᐊᒻᒪᓗ ᐊᓯᖏᓐᓂ ᒐᕙᒪᑐᖃᒃᑯᑦ ᑲᑐᔾᔨᖃᑎᒌᖕᓂᐅᔪᓂ ᐱᕈᖅᓴᐃᓂᕐᒧᑦ ᐱᔨᔅᓯᕐᓂᓂᑦ ᐊᒻᒪᓗ ᖃᐅᔨᒪᕐᔪᐊᕐᓂᐅᔪᓄᑦ ᐅᓄᕐᓂᖅᓴᓂ ᓄᓇᖃᖅᑳᖅᓯᒪᔪᓄᑦ ᐃᒪᕐᒧᑦ ᐃᑲᔪᕈᑎᒃᓴᓂᒃ ᐊᒻᒪ ᑕᕆᐅᕐᒥ ᐊᐅᓚᑦᑎᓂᕐᒧᑦ ᑲᑎᙵᓂᐅᔪᓂ

• ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᕐᓂ ᐊᒻᒪᓗ ᐊᔪᙱᓐᓂᐅᔪᓂ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᖃᑎᒋᔭᕗᑦ ᐱᓕᕆᔭᒃᓴᕗᑦ ᐃᑲᔪᕐᓂᐊᖅᐳᖅ ᐱᓕᕆᕝᕕᖕᒥ ᐱᓂᖏᓐᓂ ᐊᑯᓂᐅᔪᒃᑯᑦ ᓇᑭᙶᕐᓂᖓᓂ ᑮᓇᐅᔭᖃᖅᑎᑕᐅᓂᐅᔪᒥ ᐱᓕᒻᒪᒃᓴᕐᓂᐅᔪᒥ ᐃᓚᖓᓐᓂ ᐱᓕᕆᐊᖏᓐᓄᑦ ᐊᒻᒪᓗ ᑐᑭᓕᐊᕆᓂᕐᒥ ᐱᓕᒻᒪᒃᓴᕐᓂᕐᒥ ᐱᓕᕆᐊᕆᔭᐅᔪᒪᔪᓂᑦ ᐃᖏᕐᕋᓂᐅᔪᓂ ᐊᖅᑯᑎᖏᓐᓂ.

ᑕᑯᒃᓴᐅᑎᑕᐅᓯᒪᔪᒥ indigenousoceans.ca, ᑐᙵᖓᕕᒃ ᒫᓐᓇᓕᓴᒥ ᖃᐅᔨᓴᐃᓚᐅᖅᐳᑦ ᐱᔭᕆᑐᔪᓄᑦ ᐱᔪᓐᓇᕐᓂᐅᔪᓄᑦ ᐊᒻᒪᓗ ᐱᔭᕆᐊᖃᕐᓂᐅᔪᓂ ᓄᓇᖃᖅᑳᖅᓯᒪᔪᓄᑦ ᐃᒪᕐᒧᑦ ᐃᑲᔪᕈᑎᒃᓴᓂᒃ ᐊᒻᒪ ᑕᕆᐅᕐᒥ ᐊᐅᓚᑦᑎᓂᕐᒧᑦ ᑲᑎᙵᓂᐅᔪᓂ ᐊᒻᒪᓗ ᓄᓇᖃᖅᑳᖅᓯᒪᔪᓄᑦ ᓄᓇᓕᖕᓂ ᐃᓚᐅᖃᑕᐅᓂᖏᓐᓂ ᑕᕆᐅᕐᒥ ᐃᓂᖃᕐᓂᐅᔪᒥ ᐸᕐᓇᐃᓂᕐᒥᑦ. ᐅᓇ ᐱᓕᕆᓂᐅᔪᖅ ᐃᑲᔪᖅᐳᖅ ᐱᓕᕆᕝᕕᖕᒥ ᓴᓇᓂᖓᓂ ᑕᕆᐅᕐᒥ ᐸᕐᓇᐃᓂᕐᒧᑦ ᐊᒻᒪᓗ ᓄᖑᑕᐅᑎᑦᑎᑕᐃᓕᒪᓂᕐᓂ ᐱᓕᕆᐊᖑᔪᓂ ᐃᓚᖃᖅᑐᒥ ᓄᓇᖃᖅᑳᖅᓯᒪᔪᓄᑦ ᐱᓕᕆᖃᑎᒌᖕᓂᐅᔪᓂ ᐊᒻᒪᓗ ᐃᑲᔪᕐᓗᓂ ᑭᐅᓂᕐᒧᑦ ᐱᔭᕆᑐᔪᓄᑦ ᐱᔭᕆᐊᓕᖏᓐᓂᑦ.