ᑐᓴᒐᒃᓴᖅ ᑲᓇᑕᒥᑦ ᓄᓇᖃᖅᑳᖅᓯᒪᔪᑦ ᐃᖃᓗᓕᕆᓂᕐᒧᑦ ᑐᙵᕕᒃᑯᖏᓐᓂᑦ ᐱᔾᔪᑎᖃᖅᖢᓂ ᓄᕙᒡᔪᐊᕐᓇᖅ-19 (COVID-19)

ᓯᐊᒻᒪᒃᐸᓪᓕᐊᓂᖅ ᓄᕙᒡᔪᐊᕐᓇᖅ-19 ᓴᖅᑮᓯᒪᖕᒪᑦ ᐊᑐᓚᐅᖅᓯᒪᙱᑕᑦᑎᓐᓂᒃ ᐊᑐᕐᓗᑕ ᓴᐳᑎᓯᒪᖁᓪᓗᒋᑦ ᓄᓇᓕᖕᐳᑦ, ᐃᓄᑐᖃᖅᐳᑦ, ᐃᓚᔮᕗᑦ, ᐊᒻᒪᓗ ᓇᖕᒥᓂᖅ. ᐊᔪᕐᓇᖅᑐᖅᓯᐅᖅᑎᓪᓗᑕ, ᑐᕌᒐᖃᕆᐊᖃᖅᑐᒍᑦ ᐊᑦᑕᕐᓇᖅᑕᐃᓕᒪᓂᕐᒥᒃ, ᐋᓐᓂᐊᖃᖅᑕᐃᓕᒪᓂᕐᒥᒃ, ᖃᓄᐃᙱᑦᑎᐊᕐᓂᕐᒥᒡᓗ.

ᐱᓕᕆᒻᒪᕆᖕᓂᖅ, ᐊᒻᒪᓗ ᑕᐃᒪᐃᑦᑕᕆᐊᖃᕈᑦᑕ, ᑭᒃᑯᓕᒫᓄᑦ ᐋᓐᓂᐊᖃᖅᑕᐃᓕᑎᑦᑎᔩᑦ ᓄᕙᒡᔪᐊᕐᓇᖅᑕᖃᖅᑎᓪᓗᒍ ᓴᖅᑮᓯᒪᔪᑦ ᓇᓗᖃᓇᖅᑐᓂᒃ. ᐊᖏᔪᒥᒃ ᐸᒡᕕᑕᐅᓯᒪᔪᖅ ᐃᖃᓗᒐᓱᖕᓇᕐᓂᖅ, ᐱᔭᕆᐊᑐᔪᒃᑯᑦ ᐱᓕᕆᐊᒃᓴᑦ, ᐊᒻᒪᓗ ᑮᓇᐅᔭᑎᒍᑦ ᐱᓕᕆᐊᖑᕙᒃᑐᑦ ᐊᑐᖅᑕᐅᔪᑦ ᓇᓂᓗᒃᑖᖅ. ᑐᓄᙵᕕᐅᔫᑉ ᐊᐅᓚᓂᖏᑦ ᐊᒃᑐᖅᑕᐅᓯᒪᖃᑕᐅᔪᑦᑕᐅᖅ.

ᑕᐃᑲᓂ ᒫᔾᔨ 20, ᒪᑐᓚᐅᖅᑕᕗᑦ ᓂᐊᖁᖃᕐᑯᒃᐳᑦ ᒪᒻᐳᑑ, ᓅᕙᔅᑰᓴᒥᑦ ᐱᔾᔪᑕᐅᓪᓗᓂ ᑐᐊᕕᕐᓇᖅᑐᒦᓐᓂᖃᕐᓂᖏᓐᓄᑦ ᓄᓇᖃᖅᑐᑦ ᑕᐃᑲᓂ. ᐃᖅᑲᓇᐃᔭᖅᑎᕗᑦ ᑐᐊᕖᓐᓇᖅ ᐋᖅᑭᒃᓱᐃᓚᐅᖅᑐᑦ ᑐᙵᕕᐅᔫᑉ ᐊᐅᓚᓂᖏᑦ ᐊᑦᑕᕐᓇᖅᑕᐃᓕᒪᓗᑎᒃ ᐊᖏᕐᕋᒥ ᐃᖅᑲᓇᐃᔭᓕᕐᓗᑎᒃ, ᑲᔪᓰᓐᓇᖁᓪᓗᒋᑦ ᖃᐅᑕᒫᖅᓯᐅᑏᑦ ᐊᐅᓚᓂᕆᕙᒃᑕᖏᑦ. ᑲᑎᒪᔨᕗᑦ ᐅᓪᓗᒥᒨᖓᓕᖅᑎᖅᑕᐅᕙᒃᑐᑦ ᐱᓕᕆᐊᕗᑦ ᖃᓄᐃᓕᖓᓕᕐᒪᖔᑕ, ᐊᒻᒪᓗ ᓯᕗᓕᐅᖅᑎᖏᓐᓂᒃ ᓈᓚᖃᑦᑕᕐᓂᐊᖅᑐᒍᑦ ᐊᒃᓱᕈᕐᓇᖅᑐᒃᑰᖅᑎᓪᓗᑕ. ᑐᙵᕕᐅᔪᑦ ᐊᑕᖏᖅᖢᑎᒃ ᐃᖅᑲᓇᐃᔭᖅᑎᖏᑦ ᑲᔪᓯᔪᑦ ᐃᖅᑲᓇᐃᔭᑦᑎᐊᖃᓱᐊᖅᖢᑎᒃ ᐱᓕᕆᐊᓄᑦ, ᐱᓕᕆᐊᒃᓴᓄᑦ, ᐊᒻᒪᓗ ᐱᓇᐃᓗᑕᕐᓄᑦ ᐱᒻᒪᕆᐅᒋᔭᕐᓄᑦ.

ᐊᔪᕐᓇᙱᑐᐊᕌᖓᑦ, ᐊᑐᕋᓱᖃᑦᑕᖅᑐᒍᑦ ᐱᓕᕆᔾᔪᑎᓂᒃ ᑲᔪᓯᖁᓪᓗᒋᑦ ᐱᒻᒪᕆᐅᔪᑦ ᐅᖃᒪᔭᐅᑕᐅᕙᒃᑐᑦ ᖃᐅᔨᓴᕐᓂᕐᓄᑦ, ᐊᖑᓇᓱᓗᐊᖅᑕᐃᓕᓂᕐᒧᑦ, ᓇᖕᒥᓂᐅᔪᓄᑦ ᐱᕙᓪᓕᐊᓃᑦ, ᐊᒻᒪᓗ ᐱᕕᐅᔪᑦ ᓄᓇᖃᖅᑳᖅᓯᒪᔪᓄᑦ ᐃᖃᓗᓕᕆᓂᕐᒧᑦ. ᓂᕈᐊᒐᐅᑎᓐᓇᒍ, ᐅᖄᓚᐅᑎᒃᑰᖃᑦᑕᖅᑐᒍᑦ; ᐅᖃᖃᑎᖃᕆᐊᖃᓕᕌᖓᑦᑕ ᑲᔪᓰᓐᓇᖁᓪᓗᑕ ᐅᖃᖃᑎᖃᕐᓂᕐᓂᒃ ᐊᒻᒪᓗ ᐃᑲᔪᕐᓗᑕ ᐊᔪᕐᓇᙱᒃᑳᖓᑦ.

ᑕᒪᑐᒪᓂ ᐊᔪᕐᓇᖅᑐᖅᓯᐅᖅᑎᓪᓗᑕ, ᑲᓇᑕᒥ ᓄᓇᖃᕐᕐᑳᕐᓯᒪᔪᑦ ᐃᖃᓗᓕᕆᓂᕐᒧᑦ ᑐᙵᖓᕕᒃ (NIFI) ᑲᔪᓯᓂᐊᖅᑐᖅ ᐱᓕᕆᖃᑎᖃᕐᓗᓂ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᑦ, ᓂᐅᕕᐊᒃᓴᐅᔭᖅᑐᖅᐸᒃᑐᓄᑦ ᐃᖃᓗᓕᕆᓂᕐᓄᑦ ᐱᓕᕆᓂᐅᔪᑦ (CFE), ᐱᓕᕆᖃᑎᑦᑎᓐᓂᑦ, ᐊᒻᒪᓗ ᐊᔾᔨᒌᙱᑦᑐᑦ ᖁᕝᕙᓯᓕᕇᑦ ᒐᕙᒪᐃᑦ. ᐅᖃᖃᑎᖃᕈᒪᒍᕕᑦ ᑐᙵᕕᐅᔪᒥᑦ, ᖃᕆᑕᐅᔭᒃᑯᑦ ᐃᕐᖐᓐᓇᕈᑎᒃᑯᑦ ᑎᑎᕋᕆᑦ ᑎᑎᕋᖅᑎᑦᑎᓐᓄᑦ admin@indigenousfisheries.ca ᐊᒻᒪᓗ ᑐᑭᒧᐊᒃᑎᑕᐅᓂᐊᖅᐳᑎᑦ ᓈᒻᒪᓛᒧᑦ ᐅᖃᕐᕕᒃᓴᒧᑦ.

ᖃᐅᑕᒫᖅᓯᐅᑎᕗᑦ ᐃᓅᓯᕗᑦ ᐅᑎᖅᓯᒪᓕᖅᐸᑦ – ᐊᒻᒪᓗ ᑕᐃᒪᐃᓐᓂᐊᖅᖢᓂ – ᐱᓕᕆᐊᒃᓴᖃᐅᕐᓂᐊᑐᒍᑦ. ᑕᐃᑲᓃᓚᖅᑐᒍᑦ ᐃᑲᔪᕈᓐᓇᕐᓗᑕ.

ᐊᑦᑕᕐᓇᖅᑕᐃᓕᒋᑦᑎ, ᐋᓐᓂᐊᖃᖅᑕᐃᓕᒋᑦᑎ, ᓴᙱᔫᓗᓯᓗ.

ᔮᓐ ᔨ. ᐹᓪ, ᐊᖏᔪᖅᑳᖅ
ᑲᑎᒪᔨᓂᑦ ᐱᓕᕆᔾᔪᔾᔨᓪᓗᓂ