ᓄᓇᖃᖅᑳᖅᓯᒪᔪᓄᑦ ᐱᓕᕆᐊᖑᔪᒥ ᕿᒥᕐᕈᓂᕐᒧᑦ ᐊᑐᖅᐸᓚᐅᖅᑕᖏᑦ

ᓄᓇᖃᖅᑳᖅᓯᒪᔪᓄᑦ ᐱᓕᕆᐊᖑᔪᒥ ᕿᒥᕐᕈᓂᖅ ᐱᔭᕆᑐᔪᒥ ᖃᐅᔨᓴᕐᓂᐅᓚᐅᖅᐳᖅ ᐊᐅᓚᓂᖓᓂ ᐊᒻᒪ ᓴᖑᓯᒪᓂᖓᓐᓂ ᐊᑐᓂ ᐱᓕᕆᐊᖑᔪᒧᑦ ᑕᑯᓇᓱᐊᕐᓂᕐᒧᑦ ᑭᓱᑦ ᐊᓯᔾᔨᕆᐊᖃᕋᔭᕐᓂᖏᓐᓂ ᐅᕝᕙᓘᓐᓃᑦ ᐱᐅᓯᒋᐊᖅᑎᑕᐅᓗᓂ ᐊᖏᓛᖓᓂ ᐱᕚᓪᓕᕈᑕᐅᔪᓐᓇᕐᓂᐊᕐᓂᖓᓂ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᐊᒻᒪ ᓄᓇᓕᖕᓄᑦ ᑲᓇᑕᓕᒫᒥ.

ᑐᙵᖓᕕᒃ ᐱᒋᐊᓚᐅᖅᐳᖅ ᐆᒥᖓ ᕿᒥᕐᕈᓇᖕᓂᐅᔪᒥ ᖃᐅᔨᓴᖅᖢᑎᒃ ᖃᐅᔨᓴᖅᑕᐅᓂᑯᓂ, ᑮᓇᐅᔭᓕᐊᕆᕙᒃᑕᑦ ᖃᐅᔨᓴᖅᑕᐅᒻᒪᕆᖕᓂᖏᓐᓂ, ᑐᒃᓯᕋᐅᑕᐅᔪᓂ ᐊᒻᒪ ᖃᓄᐃᓕᐅᖅᑕᐅᖃᑦᑕᖅᑐᓄᑦ ᐃᓗᐊᒍᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ, ᐊᒻᒪᓗᑦᑕᐅᖅ ᐱᓕᕆᐊᖑᔪᒧᑦ−ᐱᔾᔪᑎᓕᖕᓄᑦ ᓯᓚᑖᒍᑦ ᐅᓂᒃᑳᓕᐊᓂᑦ. ᕿᒥᕐᕈᓚᐅᕆᕗᒍᑦ ᐊᓯᖏᓐᓂ ᒐᕙᒪᑐᖃᒃᑯᑦ ᐱᓕᕆᐊᖑᔪᓂᑦ ᑲᑎᙵᓂᖃᖃᑎᖃᖅᑐᓂ ᑐᕌᖅᑕᐅᓇᓱᐊᖅᑐᓄᑦ ᐅᕝᕙᓘᓐᓃᑦ ᑲᑎᒪᔾᔪᑎᒃᓴᓄᑦ. ᐅᓇ ᐃᓚᒋᔭᖓ ᐱᓕᕆᓂᑦᑎᓐᓂ ᑕᐃᔭᐅᓚᐅᖅᐳᖅ “ᑭᐴᑉ ᖄᖓᓂ ᕿᒥᕐᕈᔭᐅᓂᖓᓂ.”

ᑐᙵᕕᖃᖅᑐᒥ ᑭᐴᑉ ᖄᖓᓂ ᕿᒥᕐᕈᔭᐅᓂᖓᓂ, ᓇᓗᓇᐃᖅᓯᓚᐅᖅᐳᒍᑦ ᐊᒻᒪ ᐅᖃᓪᓚᐅᓯᖃᓚᐅᖅᐳᒍᑦ ᐃᓚᖏᓐᓂ ᐱᑕᖃᒐᔪᒃᑐᓂ ᐋᖅᑭᒃᓯᒪᓂᐅᔪᓂ ᐊᒻᒪ ᐊᑲᐅᙱᓕᐅᕈᑕᐅᔪᓂ, ᐃᓚᖃᖅᑐᒥ ᑲᓇᑕᒥ ᐊᒻᒪ ᐊᕕᒃᑐᖅᓯᒪᓂᐅᔪᓂ ᐱᓕᕆᔨᒻᒪᕆᐅᔪᓂ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᑲᒪᒋᔭᖃᖅᑐᓂ ᐊᓪᓚᕝᕕᓕᕆᓂᕐᒧᑦ ᐅᑯᓂᖓ ᐱᓕᕆᐊᖑᔪᓄᑦ.

ᐊᓱᐃᓛᒃ, ᐃᓚᐅᑎᑦᑎᕙᓪᓕᐊᓕᓚᐅᖅᐳᒍᑦ ᓄᓇᖃᖅᑳᖅᓯᒪᔪᓄᑦ ᐃᓄᖕᓂ ᖃᔅᓯᒐᓚᐅᓂᐅᔪᓂᑦ.

ᓯᕗᓪᓕᖅᐹᒥ, ᐸᕐᓇᐃᓚᐅᖅᐳᒍᑦ ᐅᖃᐅᓯᒃᓴᓄᑦ ᐸᐃᑉᐹᓂᑦ ᐊᐱᖅᑯᑎᒃᓴᓕᖕᓂ ᑲᑎᙵᔪᓄᑦ ᐊᒻᒪ ᐃᓄᑐᐃᓐᓇᕐᓄᑦ ᐃᓱᒪᒃᓴᖅᓯᐅᕆᓂᕐᒥ ᑭᐅᔭᐅᓂᖓᓄᑦ. ᐊᑐᓂ ᐸᐃᑉᐹᖅ ᐅᓂᒃᑳᕆᕗᖅ ᐱᓕᕆᐊᖑᔪᒥ ᕿᒥᕐᕈᔭᐅᔪᒥ, ᓇᐃᓈᕆᓯᒪᔪᒥ ᑭᐴᑉ ᖄᖓᓂ ᕿᒥᕐᕈᔭᐅᓂᖓᓄᑦ ᓇᓂᔭᐅᓂᐅᔪᓂ, ᖃᓄᐃᓕᖓᓂᐅᔪᓂ ᐅᖃᓪᓚᖕᓂᕆᓚᐅᖅᑕᑦᑎᓐᓂ, ᐊᒻᒪᓗ ᐅᖃᐅᓯᒃᓴᓕᐊᓂ ᐱᓕᕆᕝᕕᖕᒥ ᐱᓕᕆᔨᒻᒪᕆᐅᔪᓄᑦ.

ᒪᕐᕈᖓᓂ, ᑲᑎᒪᖃᑎᖃᓚᐅᖅᐳᒍᑦ ᓵᙵᓪᓗᑎᒍᑦ ᓄᓇᖃᖅᑳᖅᓯᒪᔪᓄᑦ ᓄᓇᓕᖕᓂ ᐊᒻᒪᓗ ᑲᑎᙵᔪᓂ ᑲᓇᑕᔨᒫᒥ ᐱᓕᕆᐊᒧᑦ-ᑐᕌᖓᔪᓄᑦ ᐃᓕᓐᓂᐊᕐᓂᕐᒧᑦ ᑲᑎᒪᓂᕐᓂ ᐊᒻᒪᓗ ᐊᓯᖏᓐᓂᑦ ᐃᓚᐅᑎᑦᑎᓂᕐᒥ ᑲᑎᒪᓂᐅᔪᓂ. ᐅᓇ ᐃᓚᖃᖅᐳᖅ ᑲᓇᑕᐅᑉ ᐅᑭᐅᖅᑕᖅᑐᓕᒫᖓᓐᓂ.

ᐱᖓᔪᖓᓐᓂ, ᖃᔅᓯᒐᓚᖕᓂ ᐅᖃᕐᕕᐅᔪᓐᓇᖅᑐᓄᑦ ᐋᔩᖃᑎᒌᖕᓂᕐᒧᑦ ᒪᑐᐃᖓᑎᑦᑎᓚᐅᖅᐳᒍᑦ ᐃᓄᖕᓄᑦ ᑐᙵᓱᖁᓪᓗᒋᑦ ᐅᖃᐅᓯᕆᓂᖏᓐᓂ ᐃᓱᒪᒋᔭᒥᓂᑦ ᐊᒻᒪᓗ ᐊᐱᖅᓱᕈᓐᓇᕐᓂᕐᒧᑦ. ᐅᓇ ᐃᓚᖃᓚᐅᖅᐳᖅ ᐃᓄᓕᕆᓂᕐᒧᑦ ᓯᐊᒻᒪᖅᑎᑦᑎᓂᕐᒥ (ᕙᐃᔅᐳᒃ ᐊᒻᒪᓗ ᑐᕕᑐᒥᒃ), ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒃᑯᑦ, ᐅᖃᓘᑎᒃᑯᑦ ᐊᒻᒪᓗ ᑎᑎᖅᑲᕐᓂᐊᕐᕕᒃᑯᑦ ᑎᑎᖅᑲᑎᒍᑦ.