ᓄᓇᖃᖅᑳᖅᓯᒪᔪᑦ ᐃᓄᖏᑦ ᐱᓕᕆᓂᖃᖅᑐᓂᑦ ᐃᓚᐅᖃᑕᐅᔪᑦ ᑲᓇᑕᒥ ᐃᖃᓗᓕᕆᓂᕐᒧᑦ ᐊᒻᒪ ᐃᒪᐃᑦ ᐊᕕᑦᑐᖅᓯᒪᔪᓂᑦ. ᐃᓛᓐᓂᒃᑯᑦ, ᑖᓐᓇ ᐃᓚᐅᖃᑕᐅᓂᖅ ᐱᖃᓯᐅᔾᔨᔪᖅ ᐱᓕᕆᖃᑎᖃᓂᕐᒥᑦ: ᑲᑐᑎᓪᓗᑎ ᑮᓇᐅᔭᓕᐅᕋᓱᐊᖅᑐᑦ ᓄᓇᓕᓐᓂᑦ ᐅᕝᕙᓘᓐᓃᑦ ᐃᖃᓗᓕᕆᓂᕐᒥᑦ, ᖃᐅᔨᓴᖅᑎᓂᑦ ᐱᓕᕆᖃᑎᒌᓐᓂᐅᔪᑦ ᓇᓗᓇᐃᔭᖅᓯᒪᔭᕆᐊᓕᓐᓄᑦ ᑎᒥᓄᑦ ᐅᕝᕙᓘᓐᓃᑦ ᐃᓕᓐᓂᐊᕐᓂᓕᕆᓂᕐᒧᑦ, ᐊᒻᒪ ᒐᕙᒪᒃᑯᓐᓂᑦ ᒐᕙᒪᒃᑯᓐᓄᑦ ᐋᖅᑭᑦᑕᐅᓯᒪᔪᑦ. ᐃᓚᖏᑦ ᐱᓕᕆᖃᑎᒌᓐᓂᐅᔪᑦ ᐊᑦᑐᐊᓂᖃᖅᑐᑦ ᑮᓇᐅᔭᓕᐅᕋᓱᓐᓂᕐᒧᑦ ᐊᒻᒪ ᓄᓇᓕᒻᒧᑦ ᐊᐅᓚᑕᐅᔪᖅ ᐃᖃᓗᓕᕆᓂᕐᒧᑦ ᐱᓕᕆᐊᑦ ᐅᑯᓄᖓ ᐃᖃᓗᓕᕆᔨᒃᑯᑦ ᐊᒻᒪ ᑕᕆᐅᓕᕆᔨᒃᑯᑦ ᑲᓇᑕᒥ. ᐊᓯᖏᑦ ᓇᓕᒧᑦᑎᑦᑎᓂᖃᖅᑐᑦ ᓇᒻᒥᓂᖅ ᑮᓇᐅᔭᓕᐊᓂᑦ, ᓄᓇᖃᖅᑳᖅᓯᒪᔪᓄᑦ ᐃᑲᔫᑎᓄᑦ ᐊᖏᕈᑏᑦ ᐅᕝᕙᓘᓐᓃᑦ ᐊᓯᖏᑦ ᒐᕙᒪᑐᖃᒃᑯᑦ. ᑲᓇᑕᒥ ᐊᕕᑦᑐᖅᓯᒪᔪᓂᑦ ᐊᒻᒪ ᐅᑭᐅᑕᖅᑐᒥ ᐱᓕᕆᐊᑦ.

ᓄᓇᖃᖅᑳᖅᓯᒪᔪᑦ ᐱᓕᕆᖃᑎᒌᓐᓂᐅᔪᑦ ᐃᖃᓗᓕᕆᓂᕐᒥᑦ ᐊᒻᒪ ᐃᒪᐃᑦ ᐊᕕᑦᑐᖅᓯᒪᔪᑦ ᓯᕗᒧᑎᑦᑎᒋᐊᖅᑐᑦ ᐋᖅᑭᒍᑎᖃᓂᕐᒥᑦ, ᓴᖅᑮᔪᓂ ᐃᖅᑲᓇᐃᔮᓂᑦ, ᑐᓂᓯᓂᖃᖅᑐᑦ ᓴᖏᓂᖅᓴᒥ ᐃᓅᖃᑎᒌᓐᓂᕐᒧᑦ ᑮᓇᐅᔭᓕᕆᓂᕐᒧᑦ ᖃᓄᐃᓐᓂᕆᔭᖏᑦ ᓄᓇᖃᖅᑳᖅᓯᒪᔪᑦ ᐃᓄᖏᓐᓄᑦ, ᐊᒻᒪ ᐃᑲᔪᐃᓂᖃᖅᑐᓂ ᑲᓇᑕᒥ ᑮᓇᐅᔭᓕᕆᓂᖓᓂ ᐊᑕᖏᖅᑐᒍ ᑕᕙᓂᔅᓴᐃᓐᓇᐅᔪᒥᑦ, ᑖᒃᑯᐊ ᐱᓕᕆᖃᑎᒌᓐᓂᐅᔪᑦ ᒪᑭᒪᑎᑕᔅᓴᐅᓂᖏᓐᓄᑦ ᓄᓇᒦᖔᖅᑐᑦ ᐊᑐᖅᑕᐅᓂᖏᑦ ᑐᓐᖓᓂᖃᖅᑐᑦ ᓄᓇᖃᖅᑳᖅᓯᒪᔪᑦ ᖃᐅᔨᒪᔭᖏᓐᓂᑦ ᐊᒻᒪ ᖃᐅᔨᓴᖅᑏᑦ ᖃᐅᔨᒪᔭᖏᓐᓂᑦ – ᐊᒻᒪ ᓴᐳᒻᒥᔭᐅᓂᖏᓐᓄᑦ ᐃᖃᓗᐃᑦ, ᓇᔪᖃᑦᑕᖅᑕᖏᑦ ᐊᒻᒪ ᐃᒪᐃᑦ ᐃᑲᔪᕈᑎᐅᓗᑎ ᓯᕗᓂᔅᓴᒧ ᑭᖑᕚᖑᓄᑦ.

ᑲᑎᖅᓱᖅᑕᐅᓂᖏᑦ ᓄᓇᖃᖅᑳᖅᓯᒪᔪᑦ ᐃᓅᖃᑎᒌᓐᓂᕐᒧᑦ ᑮᓇᐅᔭᓕᕆᓂᕐᒧᑦ ᐱᐅᓛᓂᑦ ᐊᑐᖅᑕᐅᔪᑦ ᐃᖃᓗᓕᕆᓂᕐᒥᑦ ᐊᒻᒪ ᐃᒪᕐᒥ ᐊᕕᑦᑐᖅᓯᒪᔪᓂᑦ ᕿᒥᕐᕈᐊᕐᓂᖃᑦᑎᐊᖅᑐᑦ ᑖᒃᑯᓂᖓ ᐃᓚᖏᓐᓂ ᐱᓕᕆᖃᑎᒌᓐᓂᐅᔪᓂᑦ: ᓇᓗᓇᐃᖅᑕᐅᓪᓗᑎ ᖃᓄᐃᓕᖓᓂᖓ ᐅᕝᕙᓘᓐᓃᑦ ᖃᓄᐃᓘᖅᑕᐅᔪᓂᑦ ᓴᖅᑭᑎᑦᑎᔾᔪᑎᒋᓚᐅᖅᑕᖏᑦ, ᐱᓕᕆᔭᐅᔪᑦ ᐊᑐᖅᑕᐅᔪᑦ ᐊᑐᓂ ᐱᓕᕆᖃᑎᒌᓂ ᐃᖅᑲᓇᐃᔭᖃᑎᒌᓪᓗᑎ, ᐃᒻᒪ ᐃᑲᔫᓯᐊᑦ ᓴᖅᑭᖅᑐᑦ ᑕᐃᒪᐃᓐᓂᖓᓄᑦ. ᑕᑯᔅᓴᐅᓂᖏᑦ ᐋᖅᑭᓱᖅᓯᒪᔪᑦ ᐃᖃᓗᓕᕆᓂᐅᔪᓄᑦ, ᐃᒪᕐᒥ ᐱᕈᖅᓴᐃᓂᕐᒥᑦ, ᐱᕙᓪᓕᐊᓂᖓ, ᐃᒪᐃᑦ, ᓇᔪᖃᑕᖅᑕᖏᑦ, ᖃᐅᔨᓴᖅᑎᑦ, ᐊᒻᒪ ᐊᐅᓚᑕᐅᓂᖏᓐᓄᑦ ᐃᓱᒪᒋᔭᐅᔪᑦ. ᑭᒡᒐᖅᑐᐃᔨᑕᖃᕐᒥᔪᑦ ᓄᓇᖃᖅᑳᖅᓯᒪᔪᓂᑦ ᓄᓇᓕᓐᓂᑦ ᑲᓇᑕᓕᒫᒥᑦ.

ᐃᓅᖃᑎᒌᓐᓂᕐᒧᑦ ᑮᓇᐅᔭᓕᐅᕋᓱᓂᕐᒧᑦ ᐱᐅᓛᓂᑦ ᐊᑐᖅᑕᐅᔪᑦ ᑎᑭᑦᑎᔪᑦ ᐃᓅᖃᑎᒌᓐᓂᕐᒧᑦᒻ ᐊᒻᒪ ᑮᓇᐅᔭᓕᕆᓂᕐᒧᑦ ᐊᑐᖅᑐᑎ ᐊᔾᔨᐅᖏᑦᑐᓂ ᐊᑐᖅᑕᐅᓂᐅᔪᑦ ᒪᑭᒪᑎᑕᐅᔪᓐᓇᖅᑐᑦ.