ᓄᓇᖃᖅᑳᖅᓯᒪᔪᓄᑦ ᐱᓕᒻᒪᒃᓴᕐᓂᖅ ᐊᒻᒪᓗ ᐊᔪᙱᓐᓂᐅᔪᓂ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᖃᑎᒌᖕᓂᑦ

ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᓄᓇᖃᖅᑳᖅᓯᒪᔪᓄᑦ ᐱᓕᕆᐊᖑᔪᑦ ᑕᑯᒃᓴᐅᓂᖃᖅᑐᒥ ᓴᖅᑭᑎᑦᑎᓯᒪᓂᕐᒧᑦ ᐊᑯᓂᐅᔪᒃᑯᑦ ᐃᖅᑲᓇᐃᔮᖃᕐᓂᐅᔪᒥ; ᐱᓗᐊᖅᑐᒥ, ᓂᐅᕕᐊᒃᓴᐅᔭᖅᑐᖅᐸᒃᑐᓄᑦ ᐃᖃᓗᓕᕆᓂᕐᓄᑦ ᐱᓕᕆᐊᖑᔪᓂᑦ. ᐱᓕᒻᒪᒃᓴᐃᓂᖅ ᐊᒻᒪ ᐊᔪᙱᓐᓂᐅᔪᓂ ᐱᕙᓪᓕᐊᑎᑦᑎᓂᐅᔪᖅ ᐱᓪᓚᕆᐅᓪᓗᑎᒃ ᐃᓚᒋᔭᐅᕗᑦ ᐆᒪᙵᑦ ᐱᓕᕆᑦᑎᐊᕈᓐᓇᕐᓂᐅᔪᒥ, ᑭᓯᐊᓂ ᑮᓇᐅᔭᖃᖅᑎᑕᐅᓂᖅ ᐅᑯᓄᖓ ᖃᓄᐃᓕᐅᕐᓂᐅᔪᓄᑦ ᐊᑕᐅᓯᑐᐊᖑᓪᓗᓂ ᐃᓚᒋᔭᐅᕗᖅ ᐱᓕᕆᐊᖑᔪᑦ ᓴᓇᔭᐅᓯᒪᓂᖏᓐᓄᑦ ᐃᑲᔪᖅᓱᐃᓂᕐᒧᑦ.

ᑲᑎᖅᓱᖅᐸᓪᓕᐊᓂᐅᔪᒥ ᐱᓕᒻᒪᒃᓴᐃᖏᓐᓇᖅᑐᓂ ᐊᒻᒪ ᐱᐅᓯᒋᐊᖅᐸᓪᓕᐊᖏᓐᓇᖅᑐᓂ ᑕᑯᒃᓴᐅᑎᑦᑎᕗᖅ ᐱᐅᓂᖅᐹᖑᔪᓂ ᖃᓄᐃᓕᐅᖅᑕᐅᖃᑦᑕᖅᑐᓂᑦ ᒐᕙᒪᐅᔪᓄᑦ ᐊᒻᒪ ᓇᖕᒥᓂᕆᔭᐅᔪᓄᑦ. ᐱᒻᒪᕆᐅᔪᒥ ᐊᑐᓕᖁᔭᐅᓂᐅᔪᒥ ᓄᓇᖃᖅᑳᖅᓯᒪᔪᓄᑦ ᐱᓕᕆᐊᖑᔪᒧᑦ ᕿᒥᕐᕈᔭᐅᓂᖓᓂ ᐱᓕᕆᕝᕕᐅᔪᒥ ᐱᓂᖏᓐᓂ ᐊᑯᓂᐅᔪᒃᑯᑦ ᓇᑭᙶᕐᓂᖓᓂ ᑮᓇᐅᔭᖃᖅᑎᑕᐅᓂᐅᔪᒥ ᐱᓕᒻᒪᒃᓴᕐᓂᐅᔪᒧᑦ ᐊᒻᒪᓗ ᐊᔪᙱᓐᓂᐅᔪᓄᑦ ᐱᕙᓪᓕᐊᑎᑕᐅᓂᖓᓂ ᐃᓚᖃᖅᑐᒥ ᐱᓕᕆᐊᕆᔭᐅᔪᒪᔪᓂᑦ ᐃᖏᕐᕋᓂᐅᔪᓂ ᐊᖅᑯᑎᖏᓐᓂ.

ᐅᓇ ᐱᓕᕆᐊᒃᓴᖅ ᕿᒥᕐᕈᕗᖅ ᐱᑕᖃᑐᐃᓐᓇᕆᐊᓕᖕᓂ ᒐᕙᒪᑐᖃᒃᑯᓐᓂ ᑲᑐᔾᔨᖃᑎᒌᖕᓂᐅᔪᒥ ᐱᓕᒻᒪᒃᓴᕐᓂᐅᔪᒥ ᐊᒻᒪ ᐊᔪᙳᓐᓂᕐᓂ ᐱᕙᓪᓕᐊᑎᑕᐅᓂᖓᓂ ᐱᔾᔪᑎᖃᖅᑐᒥ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᐱᓕᕆᐊᖑᔪᓄᑦ. ᐃᓱᒪᓕᐅᕆᓂᐊᖅᐳᖅ ᐱᓕᕆᕝᕕᐅᑉ ᒫᓐᓇᐅᔪᒥ ᑮᓇᐅᔭᓂᒃ ᐱᕈᖅᑎᑦᑎᓇᓱᖕᓂᕐᒧᑦ ᑐᖅᑯᖅᓯᓂᐅᔪᒥ ᓄᓇᖃᖅᑳᖅᓯᒪᔪᓄᑦ ᐱᓕᒻᒪᒃᓴᕐᓂᕐᒧᑦ ᐊᒻᒪᓗ ᐊᔪᙱᓐᓂᐅᔪᓂ ᐱᕙᓪᓕᐊᑎᑕᐅᓂᖓᓄᑦ – ᐊᒻᒪᓗ ᑮᓇᐅᔭᓂᒃ ᐱᕈᖅᑎᑦᑎᓇᓱᖕᓂᕐᒧᑦ ᑐᖅᑯᖅᓯᓂᐅᔪᒥ ᐊᓯᖏᓐᓂ ᐱᓕᕆᕝᕕᐅᔪᓂ ᐊᒻᒪᓗ ᐱᓕᕆᔨᐅᔪᓂ ᐱᓕᕆᐊᒃᓴᖃᖅᑐᓂ ᐃᑲᔪᖅᓱᐃᓂᕐᒧᑦ ᐱᓕᒻᒪᒃᓴᕐᓂᐅᔪᒥ ᐊᒻᒪᓗ ᐊᔪᙱᓐᓂᐅᔪᓂ ᐱᕙᓪᓕᐊᑎᑕᐅᓂᖓᓄᑦ ᐱᓕᕆᐊᖑᔪᓄᑦ – ᐃᓱᒪᓕᐅᕆᓂᕐᒧᑦ ᐃᓚᒡᑯᓂᐅᔪᓄᑦ ᐊᒻᒪ ᐊᑑᑎᖃᙱᓐᓂᐅᔪᓄᑦ. ᒪᑐᐃᖅᓯᓂᐊᕆᕗᖅ ᖃᓄᐃᓕᐅᖅᐸᓪᓕᐊᓂᐅᔪᓂ ᐃᓗᐊᓂ ᓄᓇᖃᖅᑳᖅᓯᒪᔪᓄᑦ ᓄᓇᓕᖕᓂ ᐊᒻᒪᓗ ᓄᓇᖃᖅᑳᖅᓯᒪᔪᓄᑦ ᑲᑎᙵᔪᓄᑦ ᐃᓗᓪᓕᖅᓯᓂᖏᓐᓂ ᐃᓚᑰᓂᐅᔪᓂ ᐊᒻᒪ ᐅᖓᕙᕆᐊᖅᓯᓗᑎᒃ ᓄᓇᖃᖅᑳᖅᓯᒪᔪᓄᑦ−ᐋᖅᑭᒃᑕᐅᓯᒪᔪᓄᑦ ᐃᖅᑲᓇᐃᔮᒃᓴᓂ ᑐᕌᒐᒃᓴᐅᔪᓂᑦ.

ᐋᖅᑭᒃᓯᒪᑦᑎᐊᖅᑐᒥ, ᐊᑯᓂᐅᔪᒃᑯᑦ ᓇᑭᙶᕐᓂᖓᓂ ᐱᓕᒻᒪᒃᓴᕐᓂᕐᒧᑦ ᑮᓇᐅᔭᖃᖅᑎᑕᐅᓂᐅᔪᒥ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᓄᓇᖃᖅᑳᖅᓯᒪᔪᓄᑦ ᐱᓕᕆᐊᖑᔪᓄᑦ, ᓄᓇᖃᖅᑳᖅᓯᒪᔪᓄᑦ ᓇᖕᒥᓂᕆᔭᐅᔪᓄᑦ, ᑲᑐᔾᔨᖃᑎᒌᖑᔪᑦ ᐊᒻᒪ ᓄᓇᓖᑦ ᐋᖅᑭᒃᓯᒪᓂᖅᓴᐅᓂᖏᓐᓂ ᐱᓕᕆᓂᕐᒧᑦ ᐃᖅᑲᓇᐃᔭᖅᑎᓂ ᐸᐸᑦᑏᓇᕈᓐᓇᕐᓂᕐᒧᑦ ᐊᑲᐅᙱᓕᐅᕈᑕᐅᔪᓂ, ᐊᑐᓕᖅᑎᑦᑎᓗᓂ ᒪᓕᒃᐸᓪᓕᐊᔪᓄᑦ ᐸᕐᓇᐅᑎᓂᑦ, ᐊᒻᒪ ᐃᑲᔪᕐᓂᕐᒧᑦ ᓇᖕᒥᓂᖅ ᓴᖑᓂᖏᓐᓂ ᑕᐃᑯᖓ ᐊᒻᒪ ᑎᑭᐅᑎᓂᕐᒧᑦ ᐃᖅᑲᓇᐃᔮᕆᔪᒪᔭᒥᓄᑦ. ᐊᑕᐅᑦᑎᒃᑯᑦ, ᒐᕙᒪᑐᖃᒃᑯᓐᓂ ᑲᑐᔾᔨᖃᑎᒌᖕᓂᐅᔪᒥ ᐱᓕᒻᒪᒃᓴᕐᓂᕐᒧᑦ ᐊᒻᒪ ᐊᔪᙱᓐᓂᐅᔪᓂ ᐱᕙᓪᓕᐊᑎᑕᐅᓂᖓᓂ ᐱᑎᑦᑎᓂᐊᖅᐳᖅ ᐊᑑᑎᖃᑦᑎᐊᕐᓂᐅᔪᓂ ᐊᒻᒪ ᐊᖏᐸᓗᒃᑐᒥ ᒥᒃᖠᒋᐊᖅᑎᑦᑎᓗᓂ ᐃᓄᓕᒫᓄᑦ ᐊᑐᖅᐸᖕᓂᖏᓐᓄᑦ ᑮᓇᐅᔭᓂᒃ ᐱᓕᒻᒪᒃᓴᕐᓂᕐᒧᑦ ᐱᑎᑦᑎᙱᑦᑐᒥ ᐃᖅᑲᓇᐃᔮᖃᕐᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ.