ᐅᑭᐅᕐᑕᖅᑐᕐᒥᑦ ᑲᑎᓯᒪᐅᕐᑐᑦ ᑮᓇᐅᔭᓕᐅᕐᓂᒃᑯᑦ ᐃᒪᕐᒥᐅᑕᓕᕆᓂᕐᒧᑦ ᐱᓕᕆᐊᖑᔪᒪᔪᖅ ᐋᖅᑭᒃᓱᐃᖁᓪᓗᒋ ᐱᔪᓐᓇᕐᓂᖃᕐᓂᒃᑯᑦ ᐱᓕᕆᐊᖑᕗᖅ ᓴᓇᔭᐅᖃᓯᐅᑎᓯᒪᔪᒥ ᐃᑲᔪᓂᕐᒧᑦ ᐱᔪᓐᓇᖅᑐᓂ ᓄᓇᖃᖅᑳᖅᓯᒪᔪᓄᑦ ᓄᓇᓕᖕᓂ ᐊᒻᒪᓗ ᑲᑎᙵᔪᓄᑦ:
- ᓴᖅᑭᑎᑦᑎᓗᓂ ᐃᖅᑲᓇᐃᔮᒃᓴᓂ ᐊᒻᒪ ᑐᑭᖃᑦᑎᐊᖅᑐᒥ ᐃᖅᑲᓇᐃᔮᖃᕐᓂᐅᔪᒥ
- ᐱᕈᖅᓴᐃᓗᓂ ᖃᐅᔨᒪᓂᐅᔪᒥ ᐊᒻᒪ ᐊᔪᙱᓐᓂᐅᔪᓂ ᐱᔭᕆᐊᖃᖅᑐᓂ ᐊᐅᓚᑦᑎᓂᕐᒧᑦ ᓂᐅᕕᐊᒃᓴᐅᔭᖅᑐᖅᐸᒃᑐᓄᑦ ᐃᖃᓗᓕᕆᓂᕐᓄᑦ ᐱᓕᕆᐊᖑᔪᓄᑦ ᐊᒻᒪ ᐃᒪᕐᒥᑦ ᐱᕈᖅᓴᐃᓂᕐᓂ ᐊᐅᓚᑕᐅᓂᐅᔪᓂ
- ᐊᑐᐃᓐᓇᖃᕐᓂᖓᓂ ᐱᓕᒻᒪᒃᓴᕐᓂᕐᒧᑦ ᐃᖃᓗᒐᓱᖕᓂᕐᒥ ᐊᒻᒪ ᓴᖅᑭᑎᑦᑎᓂᕐᒥ ᐃᖃᓗᖕᓂ ᐊᑦᑕᓇᙱᑦᑐᒥ ᐊᒻᒪᓗ ᐊᑑᑎᖃᑦᑎᐊᖅᑐᒥ ᐊᐅᓚᑦᑎᓗᑎᒃ ᐅᒥᐊᕐᔪᐊᓂᑦ
- ᐊᖏᒡᓕᒋᐊᖅᑎᑦᑎᓗᓂ ᑮᓇᐅᔾᔭᒃᓴᓂᕐᒧᑦ ᐅᑎᕐᓂᐅᔪᓂ ᐃᖃᓗᓕᕆᓂᕐᒥ ᐊᒻᒪᓗ ᐃᒪᕐᒥᑦ ᐱᕈᖅᓴᐃᓂᕐᒥ ᓄᓇᓕᖕᓄᑦ ᐊᒻᒪᓗ ᐊᖏᓂᖅᓴᐅᔪᒥ ᐱᕚᓪᓕᕈᑕᐅᓂᖓᓂ ᓄᓇᓕᖕᓄᑦ
ᐊᑯᓂᐅᔪᒃᑯᑦ, ᐱᓕᕆᐊᖑᔪᖅ ᐃᑲᔪᕐᓂᐊᕆᕗᖅ ᓄᓇᖃᖅᑳᖅᓯᒪᔪᓄᑦ ᐃᓚᐅᖃᑕᐅᔪᓄᑦ ᐱᕈᖅᓴᐃᓂᖏᓐᓂ ᑐᙵᕕᐅᓂᐊᖅᑐᒥ ᓴᙱᔪᓄᑦ ᓂᐅᕕᐊᒃᓴᐅᔭᖅᑐᖅᐸᒃᑐᓄᑦ ᐃᖃᓗᓕᕆᓂᕐᓄᑦ ᐊᒻᒪ ᐃᒪᕐᒥᑦ ᐱᕈᖅᓴᐃᓂᕐᓂ ᐊᐅᓚᑕᐅᓂᖓᓂ ᐋᖅᑭᒃᓯᒪᓂᐅᔪᓂ ᐊᒻᒪ ᐱᔪᓐᓇᕐᓂᖃᕐᓂᕐᒥ ᐃᒻᒥᒃᑰᕈᓐᓇᕐᓂᖏᓐᓂ ᑭᐅᒪᓗᓂ ᓯᕗᓂᒃᓴᒥ ᐊᓪᓚᕝᕕᓕᕆᓂᕐᒧᑦ ᐊᒻᒪ ᐱᓕᒻᒪᒃᓴᕐᓂᐅᔪᒥ ᐱᔭᕆᐊᖃᖅᑐᓂ ᓇᖕᒥᓂᕆᔭᖏᓐᓄᑦ.
ᐱᓕᕆᐊᖑᔪᖅ ᐱᒋᐊᖅᑕᐅᓚᐅᖅᐳᖅ ᐅᐱᕐᙶᖅ 2019−ᒥ, ᒪᓕᒃᑐᒥ ᐃᓚᐅᑎᑦᑎᓂᖃᕐᔪᐊᕐᓂᐅᔪᒥ ᐱᔪᓐᓇᖅᑐᓄᑦ ᐃᓚᐅᖃᑕᐅᔪᓄᑦ ᓴᓇᔭᐅᓂᖓᓂ ᐊᒻᒪ ᐱᕙᓪᓕᐊᑎᑕᐅᓂᖓᓂ ᐱᓕᕆᐊᖑᔪᒧᑦ. ᐆᒃᑐᕋᐅᑎᓕᐅᖅᑕᐅᓯᒪᕗᖅ ᐊᑦᓛᓐᑎᒃᒥ ᐊᒻᒪ ᐸᓯᕕᒃᒥ ᐱᓕᕆᐊᖑᔪᓄᑦ, ᑭᐅᒪᑎᓪᓗᒍ ᐊᔾᔨᐅᙱᑦᑐᓂ ᐱᔭᕆᐊᖃᕐᓂᐅᔪᓂ ᐅᑭᐅᖅᑕᖅᑐᒥ. ᓴᖅᑭᑎᑦᑎᒋᕗᖅ ᑐᓐᓂᖅᓴᐃᒃᑲᓐᓂᕐᓂᐅᔪᒥ ᐆᒃᑑᑎᐅᔪᕐᒧᑦ ᐱᓕᕆᐊᖑᓂᐅᔪᓂ ᐃᑲᔪᕐᓂᐊᖅᑐᓂ ᓄᓇᓕᖕᓂ ᑭᐅᓂᕐᒧᑦ ᓂᕿᒃᓴᖃᙱᓗᐊᕐᓂᐅᔪᒥ ᐊᑲᐅᙱᓕᐅᕈᑕᐅᔪᓄᑦ ᐊᒻᒪ ᑐᓂᓯᓗᓂ ᐃᖃᓗᖕᓂ ᐊᒻᒪ ᑕᕆᐅᕐᒥᐅᑕᓂ ᓂᕿᓂᑦ ᓄᓇᓕᖕᓄᑦ ᓂᐅᕕᐊᖅᓴᐅᔭᖅᑐᕐᓗᑎᒃ.
- ᐅᑭᐅᕐᑕᖅᑐᕐᒥᑦ ᑲᑎᓯᒪᐅᕐᑐᑦ ᑮᓇᐅᔭᓕᐅᕐᓂᒃᑯᑦ ᐃᒪᕐᒥᐅᑕᓕᕆᓂᕐᒧᑦ ᐱᓕᕆᐊᖑᔪᒪᔪᖅ ᑭᖑᓪᓕᖅᐹᖅᓯᐅᑎ ᐅᓂᒃᑳᓕᐊᖅ
- Ukiuqtaqtumi Katitauhimayut Manighiuqtit Iqalliqiyit Havaangit
- ᐅᖃᐅᔾᔨᓂᐅᔪᖅ ᑕᑯᒃᓴᐅᑎᑕᐅᔪᖅ:
ᑐᙵᖓᕕᒃ ᑲᑐᔾᔨᖃᑎᒌᒃᐳᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ ᐊᒻᒪ ᐊᓯᖏᓐᓂ ᐱᓕᕆᖃᑎᒋᔭᐅᔪᓂ ᓴᖅᑭᑎᕆᓂᐅᔪᒥ ᐆᒪᙵᑦ ᐅᑭᐅᖅᑕᖅᑐᒥ ᐱᓕᕆᐊᖑᔪᒥ. ᐅᓇ ᐃᓚᖃᖅᐳᖅ ᐃᑲᔪᖅᓱᐃᓂᕐᒥ ᐱᕙᓪᓕᐊᑎᑕᐅᓂᖓᓂ ᐋᔩᖃᑎᒌᖕᓂᐅᔪᒥ ᓴᓇᓯᒪᔪᓂ ᐊᒻᒪ ᖃᓄᐃᓕᐅᕐᓂᐅᔪᓂ ᖁᕝᕙᖅᓴᐃᓂᕐᒧᑦ ᐅᔾᔨᕈᓱᖕᓂᐅᔪᒥ ᐊᒻᒪ ᑐᑭᓯᐅᒪᓂᕐᒧᑦ ᐱᓕᕆᐊᖑᔫᑉ ᐱᔨᑦᑎᕋᕐᓂᖏᓐᓂ ᐊᒻᒪ ᐱᓕᕆᓂᐅᔪᓂ ᒪᓕᒃᓴᐅᔪᓂ ᐃᓚᐅᖃᑕᐅᓂᐅᔪᒥ ᐱᓕᕆᐊᖑᔪᒥ.
ᐱᓕᕆᔾᔪᑕᐅᔪᑦ ᑕᐅᑐᒃᑕᑐᐊᖃᑲᐃᓐᓇᕐᓂᐅᔪᓄᑦ:
- ᐱᓕᕆᐊᖑᔪᒧᑦ ᐊᔪᕆᖅᓱᐃᓂᕐᒥ ᓱᓇᒃᑯᑖᑦ
- ᑭᓲᕙ ᓇᖕᒥᓂᖃᕐᓂᕐᒧᑦ ᐋᖅᑭᒃᓱᐃᓂᕐᒧᑦ ᐃᑲᔪᖅᑎᒌᓄᑦ – ᐊᒻᒪᓗ ᖃᓄᖅ ᐅᖃᖃᑎᒋᔪᓐᓇᖅᐸᒃᑲ?
© 2024 ᑲᓇᑕᒥ ᓄᓇᖃᕐᖄᕐᓯᒪᔪᑦ ᐃᖃᓗᓕᕆᓂᕐᒧᑦ ᑐᙵᖓᕕᒃ